Kawlphetha sem chungchang sawiho

Union Power minister Raj Kumar Singh hoin September 23, Ningani khan state hrang hranga Power minister-te'n video conferencing hmangin 'Revamped Distribution Sector Scheme' chungchang an sawiho a, Mizoram Power & Electricity minister R Lalzirliana a tel.

R Lalzirliana chuan, Revamped Distribution Sector Scheme chu hma an sawnpui a rin thu leh Grant Support for Distribution System Infrastructure Work behchhana Mizoramin 90% grant support a nei chu lawmawm a tih thu a sawi.

Revamped Distribution Sector Scheme hnuaia consumer meter zawng zawng prepaid smart meter-a thlâk vek tur chungchangah R Lalzirliana chuan, "Mizoram chu special category hnuaiah sorkar laipuiin a kalpui tum dana grant support atan 22.5% emaw Rs. 1,350 per meter emaw chu Mizoram tan a tlem a, a lo berah grant support 80% emaw, Rs. 2,999 per meter emaw sorkar laipuiin min tumsak a ngai," a ti.

Meeting-ah hian distribution network tihchangtlun leh a theih chinah aerial bunched cable hman dan turte an sawiho a ni.