NSS Day 2021 hman a ni

National Service Scheme (NSS) din champha pualin nimin khan Aijal Club-ah NSS Day 2021 hman a ni a, Sports & Youth Services minister Robert Romawia Royte-in hmanpuiin, NSS Annual Achievement Report 2020-21 a tlangzarh.

Robert Romawia Royte chuan, Mizoramah NSS volunteer-te an chêt ṭhat thu sawiin, "Mizoramah mai ni lo, India ram pum ang pawhin hriat in hlawh a, hripui léng karah pawh ram leh khawtlang rawngbawl hna thawkin, thisen pek leh faina kawngah phei chuan hma hruaitu in ni," a ti a, tlawmngaihna a taka nunpuitu an nih thu a sawi.

Inkhawma tarlan danin, NSS volunteer-te hian thing phun, thisen pek, hnuchham in tlawh, vantlang tana zirtirna chi hrang hrang buatsaih, kawngpui leh vantlang hmun pawimawh tihfai, Covid-19 kaihhnawiha healthcare worker-te puih, mi harsa zawkte tan ei leh in tur semte an kalpui ṭhin a; Mizoram hmun hrang hrangah a thlàwnin Rs. 15,00,000 hû an sem tawh.

NSS Day-ah hian Mizorama NSS unit hrang hrangte'n an remchan dan angin thisen pek, zirna-in leh vantlang hmun tihfai leh thing phunna hmun tifaitein hun an hmang a ni.