MJA hruaitute'n mawhphurhna an inhlan

MJA hruaitu atana thlan thar leh hruaitu hluite chuan nimin khan Aizawl Press Club mawhphurhna an inhlan a; MJA president thar Zonunsanga Khiangte chuan, journalism zahawma humhimna atan chuan hlauh an neih loh tur thu a sawi.

Zonunsanga Khiangte chuan, journalist-in a tih tur âwm tak an tih zel tur thu sawiin, "Mipui rawngbawlna kawngah theihtawp kan chhuah ang. Sorkar pawh fak a ṭulnaah chuan kan fak ang a, nawr an ngaih chuah kan nawr ang. Journalism zahawmna humhimna atan chuan tih hreh kan nei dawn lo a, kan kal zel ang," a ti.

MJA President chuan, MJA member-te chu amahah duhkhawp lohna an nei a nih chuan hnung lam aṭanga rél mai lo a, hmai chhanah finchhuah ṭhin turin a chah.

MJA president kal chhuak Vanlalrema Vantawl pawhin MJA chu pressure group a ni lo tih hriat fo a pawimawh tih a sawi a, "Political interest ni lo pawl interest vangin sorkar kan thawhpui ṭhin tih hriat reng a ṭul," a ti.

April 4, 2018-a MJA General Conference-ah kum 2018-20 chhung MJA hruaitu atan president-ah Zonunsanga Khiangte, vice president-ah Zonunsanga Khiangte leh treasurer-ah Lalremsiama te thlan an ni.