KHAWTHLIR

MJA General Secy.
MJA general headquarters president Zonunsanga Khiangte chuan MJA general secretary atan Executive Committee member (elected) zinga mi C Lalhmachhuana a ruat. Executive Committee member (nominated) atan A Zotinkhuma, C Lalzamlova, C Lalduh-awma, Zohmingmawia leh K Zothankhuma te a ruat bawk.

Koinonia a in tlâk
Koinonia tui chu Food Safety Act, 2016 in a phût angin, Health Services department-a Commissioner Food Safety-in an endik leh hnuah mihring in atan a thianghlim tih finfiah a ni. Hemi chungchangah hian April 13, 2018 khan Commissioner Food Safety-a designated officer F Lalliantluanga'n hriattirna a chhuah a ni.

Mamit-ah training
Administrative Training Institute (ATI) chuan, nimin khan Mamit IPR conference hall-ah Mamit khawpui chhunga sorkar hnathawkte tan 'Induction Training Programme for Cutting Edge' an buatsaih a, an hun hmanpuitu Mamit DC Lalbiaksangi chuan sorkar hnathawkte chu in update reng tur leh hun awlah chanchinbu hrang hrang chhiar tam turin a chah.

Lehkhabu thar
Lianhmingthanga lehkhabu ziah, ‘Road Connectivity and Development in Rural Mizoram’ tih chu nimin khan PWD minister Lal Thanzara'n a tlangzarh. PWD Minister chuan, lehkhabu tlangzarh tâk chu mimal leh zir mite'n an hman ṭangkai a beisei thu a sawi.