Lirthei tlan dan tur ruahman

Traffic SP chuan thupek chhuahin April 13-22 chhung zan dar 8:30 aṭanga zing dar 4 inkar chhung Dinthar junction (Pu Zoramsangliana In peng) kawng siam ṭhat hna an thawh a nih dawn avangin helai kawngpui ah hian hnathawh hun chhung in lirthei eng chi mah tlan phal a ni dawn loh thu a tarlang a, lirthei tlan dan tur a ruahman.

Traffic SP-in rua­hmanna a siam dan chuan Dinthar junction lam aṭanga Dinthar kawn lama kal turte chuan Vaivakawn, Kanan Veng, Dawrpui Vengthar lamah kalin Dinthar kawn ah an kal thei ang a. Tennis Court, Kaisara Road aṭangin Dinthar kawn hi chhuk zawng chauhin kal phal a ni bawk ang. Khatla to Dinthar via New Secretariat Complex kawng aṭangin Dinthar kawn hi a kal theih bawk ang.

Dinthar kawn aṭanga tlanchhuak turte tan Kaisara road, Tuikual a tlan chhoh a rem lo ang a, a chunga sawi ang khian Dinthar kawn aṭangin Kanan Veng kal tlangin Vaivakawnah emaw New Secretariat Complex kaltlangin Khatla kawnah tlanchhuah tur a ni ang.