MLA hmalaknain kawng siam dawn

Damparengpui leh Rajiv Nagar inkar kawng chu bialtu MLA John Rotluangliana hmalaknain siam a ni dawn a, kawng siam tur chungchang hi nimin khan John Rotluangliana'n a pisa-ah BRTF hotute a sawipui.

John Rotluangliana chuan, Damparengpui-Rajiv Nagar inkar kawng siam turin BRTF hotute a ngen a, BRTF lam chuan sum hman tur an neih mai loh thuin an chháng. Hei vang hian John Rotluangliana chuan hmanraw mamawhte leh hlawhfa a tum dawn a, BRTF lamin JCB, roadroller leh thawktu mi 10 chuang an thawh thung dawn a ni.