MNF a piangthar tawh - R Tlanga

MNF vice president R Tlanghmingthanga chuan, MNF party chu an piangthar tawh niin a sawi a, "Mipuite chunga lal tur ni loin, mipui duh dan tipui­tling turin MNF a sorkar leh dawn a ni," tiin, MNF chu mipui chhiahhlawh nia an rawngbawl turin a in­buat­saih mek niin a sawi.

R Tlanghmingthanga hian nimin khan Khanpui community hall-a mi thar lawm luhna inkhawmah thu sawiin, "Congress party hian keimahni mipuite sum an lak khawm hmangin hleih nei takin hma an la a, an party bil chauh duhsakin, party dang leh neutral-te min thlêm nan mipui sum an khawn khawm an hmang a ni. Duhsaktu der, mikhual sorkar lakah mipui i fimkhur ang u," a ti.