NEP-ah report la thehlut lo

Mizoram sorkarin National Education Policy 2020 zir chianga rawtna thlen tura a din Human Resources Development Board vice chairman L Thangmawia, MLA kaihhruai Group of Expert chuan report an la thehlut lo.

Vanglaini palai zawhna chhángin L Thangmawia chuan, zir chian ngai a tam thu a sawi a, "Ṭum khat rei tak kan ṭhukhawm tawh a, thil pakhat lek pawh rei tak sawiho ngaite a awm. Ṭum khat dang nilénga ṭhutkhawm leh kan tum a, chumi hnuah chuan rawtna kan neihte kan thehlut thei tawhin ka ring," a ti.

Group of Expert-te hi National Education Policy, 2020 Mizorama hman ve theih dan tur te, ram tana him lo laite a awm em tihte leh, Mizoram sorkarin zirna kalpui a tum dante leh policy neih mekte nen a inmil em tihte enho a, ram tana ṭha turah rawtna siam tura tih an ni.