DC-in hna thawh mekte enfiah

Khawzawl bawrhsap CC Lalchhuangkima chuan September 25, Inrinni khan Khawzawla hmasawnna hna thawhte a tlawh a; hna thawktu contractor-te chu hun tiam chhunga zo hman tur leh khawtlang leh ram tana ro tlinga sa puitling turin a chah.

Bawrhsap hian Khawzawl DC pisa cheng nuai 1,000 sênga sak tur te, RD department pisa bula DRDA project director pisa hmun tur laih mek te, Khawzawl Hospital-a pressure swing adsorption plant (oxygen plant) bun mek leh cheng nuai 3,346 sênga Chief Medical Officer pisa tur sakte a tlawh a ni.

CC Lalchhuangkima hian tun hnai khan Khawzawla Airtel tower awmna in/compound neitute kâwmin, Airtel mobile/internet signal mumal lo chungchang a sawipui bawk a; harsatna leh mamawh an neihte company hnena hriattir zung zung turin a hrilh.