Hripui vanga thi zingah natna dang nei an tam

September 24, Zirtawpni zanlai hnaih tawhah khan Mizoram sorkar thupuangtu IPR department Twitter-ah Covid-19 vanga thite zinga natna dang nei tel zat leh natna dang nei tel lo zat tarlan a ni a; a hnu lawkah tarlan a nih chhan leh thil awm dan sawifiahna tarlan leh a ni.

IPR tarlan danin, Zirtawpni zan thlenga Covid-19 vanga thi awm tawh mi 285 zingah natna dang nei sa mi 249 (87.37%) an awm a, mi 36-te erawh chu natna dang an neih tel hriat a ni lo.

A hnua Twitter-a tarlanah, "COVID-19 avanga thi zingah hian natna dang nei tel leh nei tel lo an awm a. Information chiang zawk mipuiin kan hriat theih nan COVID19 vanga thi zinga natna dang nei tel percentage tarlan a ni a, comorbidity nei pawh ni se, Covid death-ah chhiar tel vek a ni," tih a ni.