Bilaipur aṭangin hnam dang Mizoramah an rawn lut ṭhin

Tunlai hian Bilaipur, Assam aṭangin mi eng emaw zat chu Vairengte Aitlanga awm mek Mizoram police leh Assam police-te hêlin Mizoramah an lut ṭhin. Hemi chungchangah hian police-in hma an lak loh chuan Aitlanga ram neitu Mizote'n hmalak an tum.

Vairengte aṭanga thu dawn danin, Bilaipur aṭanga Mizorama lut ṭhinte chu kuhva ro phur an ni ber a, thing zai tura lut pawh an awm. Lirtheiin a thlen theih chin thlengin kuhva ro an phur ṭhin a, chuta ṭang chuan lirtheiin Assam-ah an phur lut ṭhin a ni. Kuhva ro phur tur hian mi eng emaw zat an rawn kal tawh.

Phalna nei loa hnam dang Mizorama an luh ṭhin chungchangah hian Aitlanga ram neitute chuan Mizoram police-te'n hma an la lo a nih chuan hmalak an tum nia thu dawn a ni.