Citizenship Amendment Bill duh lo

MPC president Lal­hma­ngaiha Sailo chuan, Citizenship Amendment Bill chu Par­liament thlasik ṭhut­khawm hunah put luh tum a nih thu sawiin, Bill chu pass a nih chuan Mizoram tan thil pawi tak a nih tur thu a sawi a; Bill pass a nih loh nan MPC party-in hma an lak ve thu a sawi.

Nimina MPC party pisaa inkhawmah Lal­hmangaiha Sailo chuan 1955 Citizenship Amendment Bill chung chang sawiin, "Bill pass a nih chuan Bangladesh, Afghanistan leh Pakistan ram aṭanga lo lutte kum ruk India rama an awm tawh chuan citizen­ship hi regularise turin Parliament-ah BJP sor­karin pass a tuma hriat a ni a, ram dang mi awlsam taka Indian citi­zenship pek tumna a nih avangin kei ni Mizoram tan chuan thil pawi tak tur a ni," a ti.

Lalhmangaiha Sailo chuan, Citizenship Amen­dment Bill chu duh lotu an tam a, duh loh­na leh petition memorandum 9,000 chuang a luh tawh thu leh, MPC, ZNP leh Central YMA-te pawhin an duh lohna chu ziakin an thehluh tawh thu a sawi.

MPC President chuan, Citizenship Amendment Bill pass a nih chuan, tuna Assam ramri, Zophai leh a chhehvela hnam dang awm chu Mizo hnam chîmraltu an nih theih dawn thu a sawi a, "Bill pass a nih loh nan Mizo­ram sorkar pawhin nasa taka hma la se, he issue hi dodal turin hma la ngei turin ZPM chuan kan phût tak zet a ni," a ti.