MLPC hmangin mi 1,108 man

Excise & Narcotics department chuan kum 2017-18 chhung khan Mizoram Liquor (Prohibition and Control) Act hnuaiah mi 1,108 an man a, MLPC Act hmang vek hian thubuai 1,257 an ziak lut.

Kum 2017-18 chhung khan Excise & Narcotics department chuan rakzu litre 1541.010, zu bilh lai ṭín 32,830, dawidim/yeast kg. 18.350, sap zu (ûm puitling) ûm 3,856 leh hawn tawh ûm 14, sap zu (ûm chanve) ûm 9,044 leh hawn tawh ûm 12, sap zu (quarter) ûm hnih, beer (650 ml) can 250, beer (500 ml) 5,981 leh zu kaihhnawiah lirthei 44 an man a ni.