Chief ministerial candidate ZPM-in puan thuai an tum

Ṭangrual pawl, Zoram Peoples' Movement (ZPM) chuan nimin khan thuchhuah siamin, Mizo­ram Legislative Assembly inthlanpui, kumina awm tura an chief ministerial candidate tur an puang thuai dawn tih an tarlang.

ZPM Secretariat office bearer-te chu nimin khan an pisaah an ṭhukhawm a, kumin Assembly General Election awm tura ZPM chief ministerial candi­date tur lungrual takin an pawm niin an tarlang a, "Lungrual takin ruahman­na siam a ni a, a hun leh a hmun tur chu tihchian vat a ni ang," an ti.

ZPM chuan, ZPM Val Upa Council (VUC)-in ZPM-a tel pawl hrang hrangte an lo ràwn tawh leh an ngaihdante an lak hnuin, VUC chuan chief ministerial candidate a lo ruat fel tawh chu a puan hun tur leh thil ṭul dangte ruahmanna siam turin ZPM Secretariat office bearer-te kutah a dah niin an tarlang.

Nimina ZPM Secre­tariat office bearer mee­ting hi ZPM Steering Co­mmittee chairman Lallian­sawta'n a kaihruai a ni.