KHAWTHLIR
DGP-in tlawh
DGP Balaji Srivastava chuan nimin khan MPRO hmun a tlawh a, thawktute nen thil pawimawh hrang hrang an sawiho. DGP chuan, police-te chu mipuite tana inhumhimna, ṭanpuitu, thlamuantu an nih ang taka an rawngbawlsak mipuite ngai pawimawh turin a chah a, "Zu leh ruih theih thil dang bâwiha táng mekte chhanchhuah hna SP leh commandant-te'n ngawrh taka an thawh a pawimawh," a ti.
Top-3 thlang
Mizo Academy of Letter (MAL) chuan kum 2017 chhunga Muizo iráwm chhuak lehkhabu zinga a ṭha ber, Boof of the Year 2017 an thlanna kal mekah top-10 aṭangin top-3 an thlang chhuak tawh. Top-3 te chu - C Vanlalzawma ziah 'Lemchan Nunchan' tih te, Lalhmingchhuanga Zongte ziah 'Savun Kawrfual' tih leh, Florence LR Ralte ziah 'Theipui Hnuaiah' tihte a ni.
Heritage Day
Archaeological Survey of India (ASI), Aizawl Circle Office chuan nimin khan Vangchhia-ah World Heritage Day an hmang a; zai leh lâmte entir a nih bakah, lemziak hmanga inelna buatsaih a ni. World Heritage Day hmanna inkhawmah hian ICFAI University Mizoram vice chancellor Lt.Gen. Dr AK Misra chu khualian a ni a; lehkhabu pahnih - 'Excavation & New Discoveries at Vangchhia' tih leh, 'Centrally Protected Monuments of Aizawl Circle' tihte a tlangzarh.
Diamond Room
Chanmari Branch YMA-in an kum 60-na, diamond jubilee puala an bran ch YMA hall-a chawlh hahdamna tura an ruahman, Diamond Room chu April 17, Thawhlehni khan bialtu MLA Lal Thanzara'n a hawng. Room sakna atan hian MP fund cheng nuai 15 hman a ni.
DC-in lawmpui
Siaha DC Harleen Kaur chuan nimin khan a pisaah tun hnaia padma shree dawngtu A Zakia, Siaha chu lawmpuina thingpui a inpui a, chawimawina thuziak a hlan a nghal. Siaha DC chuan, A Zakia chu Siaha district leh Mara-te tana kawng sialtu a nih thu a sawi.