MSTA Councillors' Meeting neih a ni

Nimin khan Synod Conference Centre-ah Mizoram Middle School Teachers' Association (MSTA) Councillor' Meeting neih a ni a, School Education director James Lalrinchhana'n a hmanpui.

James Lalrinchhana chuan, Covid-19 hripui léng mek donaa School Education department hmalaknaah zirtirtute leh thawktu dangte'n sum ṭhahnem tak Chief Minister's Relief Fund-ah an chhûng lût a, ambulance an pek tawh thu a sawi a, "Ramri leh mahni awmna khua leh veng ṭheuha zirtirtute tha thawh a chhuanawm hle a ni," a ti.

Director chuan, hripui léng vanga zirna-in hawn mumal theih a nih loh avangin zirlaite'n rilru lama harsatna an tawh loh nan zirtirtute'n an zirlaite an kaihhruai theih nan primary, middle, high school leh higher secondary school zirtirtute tan School Education department leh Indian School Psychology Association (InSPA)-te'n online workshop an buatsaih thu a sawi.

Ṭhutkhawmah hian Mizoram hmun hrang hrang aṭangin MSTA hruaitu 35 an tel. MSTA-ah hian Mizorama middle school 669 aṭangin member 2,589 an awm 

a ni.