CM-in MHIP inkhawmpui a hmanpui

Mizoram Hmeichhe Insuihkhawm Pawl (MHIP) sub-head­quarters, Serchhip chuan nimin khan New Ser­chhip YMA Hall-ah inkhawmpui an hmang a, chief minister Lal Thanhawla'n a hmanpui.

Chief Minister chuan, chhungkua leh khawtlang nuna nute dinhmun pawimawhna leh khaw­vel inkaihhruaina kal­phungah nute an ropui thu sawiin, "Nute hi ram nghahfâk ṭhalaite chher chhuaktu an nih avangin ram hmasawnna atan an pawimawh hle," a ti a; mahni chhungkua ṭheuha bul ṭan chuan khawtlang leh ram huapin rah ṭha a chhuah theih thu a sawi.

NITI Aayog report leh report dang danga a lan danah, Mizoramin ei leh bara hma a sawn nasat thu sawiin Lal Thanhawla chuan, "Ṭhahnemngai leh rinawm taka mahni hna ṭheuha kan hmazâwna mi kan thawh vek chuan tun aia chak zawka ṭhangin, dinhmun ṭha zawk kan la luah thei a ni," a ti.

Inkhawmpui hi Ser­chhip sub-hqrs. MHIP president Sang­hming­liani'n a kaihruai a; MHIP General Head­quarters president Saipuii'n con­ference thupui, 'Hmei­chhia leh naupangte himna leh hmasawnna tura nasa taka ṭan lak' tih a sawi a ni.