Thenzawlah mock drill neih a ni

Serchhipa Fire & Emergency Services department chuan nimin khan Thenzawl Hig­her Secondary School-ah chhiat­rupna a thlen thulha awm dan tur leh chhanchhuah hna thawh dan tur a taka enchhinna, mega mock drill an buatsaih.

Mega mock drill-ah hian Fire & Emergency Services department mite chuan sikulah chhiatrupna a thlena chet dan tur, chhan chhuah hna thawh dan tur, hliam leh thite bâwihsâwm dan turte an sawifiah hmasa a ni.

Chumi hnuah lirnghing a thlen palha mahni sahimna ngaihtuah dan te, mi dang chhanchhuah dan tur te, hliam tuar buaipui dan leh buaipuina hmanrua awlsam taka siam dante leh mitthi buaipui dan hrang hrangte entir a ni a; kângmei laka chhanchhuah hna thawh dante an entir bawk.