KHAWTHLIR
Book of the Year
Mizoram Academy of Letter (MAL) chuan kum 2017 chhunga Mizo iráwm chhuak lehkhabu ṭha ber atan Lalhmingchhuanga Zongte ziah 'Savun kawrfual' tih an thlang. Lalhmingchhuanga hnenah hian MAL Foundation Day, April 23-ah lawmman an hlan dawn a ni.
Sik leh sá sawiho
Mizoram Sustainable Development Foundation (MSDF) chuan nimin khan Aijal Club-ah sik leh sá inthlakthleng chungchang zirhona an buatsaih a, sorkar department hrang hranga mithiamte'n thu an sawi bakah, Delhi aṭanga lo kal IMI leh TERI aiawhte'n thu an sawi.
Institutional safety
E-2 Team, Guwahati chuan April 19, Ningani khan Govt. Aizawl College-ah 'Training for Institutional Safety' programme an hmang. He hunah hian GAC zirtirtu leh zirlaite chu zirna-in himna chungchang te, chhiatna a thlena chet dan tur leh inenkawl dan tur te, in tlu leh in chima chhanchhuah hna thawh dan tur te, lirnghing a thlena awmze nei zawka in chhung chhuahsan dan turte an zirtir a ni.
Bial Inkhawmpui
Presbyterian kohhrana pastor bial hrang hrangte chuan nizan khan Bial Inkhawmpui an ṭan. Bial Inkhawmpuiah hian vawiinah rorel inkhawm neih a ni ang a, naktuk zanah a ṭiak ang.
Career awareness
Rashtriya Uchchatar Shiksha Abhiyan (RUSA) bultumin nimin khan Govt. Aizawl College-a Mizo department-in GAC conference hall-ah 'Seminar on Career Awareness' an buatsaih. He hunah hian Book of the Year 2016 - 'Aizawlah Aizawler' tih ziaktu Lalhruaitluanga Chawngte-in 'Eizawnna atana thu ziah' tih a sawi.
MLA-in hawng
Multi Purpose Sports Centre for Northern Region (Mizoram) leh Darlawn (Augmentation) Water Supply Scheme chu April 19, Ningani khan bialtu MLA RL Pianmawia'n a hawng a, Sports Centre hi sorkar aiawhin Darlawn Joint V/C hnenah a hlan nghal.