Online class kalna hmun tlawh

Siaha district-a Tipa SDO Lalhmingliana chuan nimin khan Mawhrei leh Chapi khuaa zirlaite online class kalna hmun a tlawh a, internet signal ṭha an neih theih nan hma lakpui a tum thu a sawi.

Tipa (Tuipang) SDO hi Mawhrei VC leh Mara Students Organisation (MSO) hruaitute nen an inkâwm a; kawngpui leh internet signal ṭha an mamawh thu an lo thlente chu a theih anga hma a lakpui tur thu a hrilh a ni.

Mawhrei leh Chapi khuaah hian internet signal a ṭhat loh avangin Mawhrei khua aṭanga km. 4 vela hláa tlang pakhat, internet signal ṭhatna hmunah zirlaite'n online class an kal ṭhin a; MSO, Mawhrei Branch chuan zirlaite online class kalna tur bûk an sa a ni.