Rangkachak kg. 29 man a ni
Customs department, Aizawl Division chuan April 21, Inrinni tlai khan Muallungthu dáiah Bolero motor MZ-01 K-8203 aṭangin rangkachak tlang, kg. 29 an man a, a neitua puh Hualzidinga (55) s/o Phunzika (L), Champhai Venglai an man bawk.
Thu dawn danin, Aizawl Customs Division-a deputy commissioner James Guite sawi danin, rangkachak an man hi tlang 29 a ni a, tlang khat chu kg. khat zel niin, a vaiin kg. 29 a ni a, cheng nuai 900 hûa ngaih a ni.
Customs department chuan Hualzidinga laka thubuai an ziak lut a, nimin khan Court-ah an hruai a ni. James Guite chuan, Mizoram chu Myanmar nena inri a nih avangin dan loa rangkachak leh thil dangte tawlh rûkna kawng a nih thu a sawi a, Kum 2017-ah pawh khan cheng nuai 250 hû rangkachak kg. 8.3 kan lo man tawh a ni," a ti.