Biak-in bungrua thiar chhuak

Evangelical Baptist Convention (EBC) koh­hran biak-in, Dinthar, Aizawl chu a dinna thlang a khîk avang leh biak-in building hmun ṭhenkhat a khîk tel tawh avangin April 20, Zirtawpni zan khan bungrua an thiar chhuak.

Thu dawn danin, EBC biak-in bula Hming­than­kunga ram chu in sakna atan laih a nih laiin a min a, leimin chuan biak-in kawmthlang a timin tel a, chu vang chuan, biak-in dinna ram chu a derthâwng ta a ni.

EBC hruaitute chuan sorkara thuneihtute hnenah an thlen tawh a; Aizawl District Disaster Management Authority hotute pawhin enfiah tawhin, Hmingthankunga te chu hna chhunzawm rih lo turin an hriattir a ni.