CADC-ah vote 91.38% a tla

April 20, Zirtawpnia Chakma Autonomous District Council (CADC) inthlannaa hman electronic voting machine (EVM)-te chu Inrinni zan khan Chawngte-ah thlen kim a ni a, strong room-ah dah nghal a ni. He inthlanah hian vote 26,901 a tla a, vote tla percentage chu 91.38 a ni. Vote tlate hi naktuk Thawhlehni-ah chhiar a ni ang.

State Election Commission tarlan danin, CADC inthlanah hian voter 29,439 awmin, mipa 14,894 leh hmeichhia 14,545 an ni a; vote tla 26,901 a tla a, vote thlaktute chu mipa 13,782 leh hmeichhia 13,119 an ni. Inthlanah hian EVM 66 hman a ni a, chu'ngte chu Inrinni zan khan Chawngte-a SDO(Civil) office-a strong room-ah dah luh kim niin, CRPF-te leh Mizoram armed police-te'n an véng a ni.