Mipa lu meh man tidanglam

Mizoram Consumers' Union (MCU), Aizawl City Local Council Association (ACLCA) leh Mipa Lumettu Pawl hruaitute April 7, 2018-a MCU pisaa ṭhukhawm chuan lu meh man an tidanglam a; lu meh man chu a meh dan (style) azirin a danglam dawn a ni.

Mipa Lumettu Pawl thuchhuah tarlan danin, pawl pathumte inrâwn khawm hnua lu meh man an bithliah dan chu - simple haircut-ah Rs. Rs. 50, regular haircut-ah Rs. 70 - 80, fade cut-ah Rs. 80 - 100 leh mahni ina kohin Rs. 300 a ni.

Mipa Lumettu Pawl chuan, lu meh man (rate) thar chu ni tin khawsakna a hautak tâk em vanga tisang an nih thu sawiin, hriatthiampuia pawmpui turin mipui an ngen a; thianghlimna kawngah Aizawla lu mettute tun aia hma an sâwn theih nan mipuite thawhpuiah an sáwm bawk.

MCU pawhin thuchhuah siamin, Mipa Lumettu Pawl-in ACLCA ngenna ngai pawimawha lu meh man Rs. 50-a an bithliah leh thei chu lawmawm an tih thu an tarlang.