District-a khung hran mek dinhmun

Serchhip district-ah Mizoram páwn aṭanga tun hnaia haw khung hran mi 440 an awm mek a; nimin tlai dar 5 thlenga dinhmun hriat chinah Co­vid-19 vei an la awm lo.

Nimina Serchhip DC hoa ṭhutkhawmnaa SDC Denny Lal­chhuanawma'n a tarlan danin, Serchhip district-a khung hran mek mi 440-te chu sorkar quarantine facility-a awm mi 173, community quarantine facility-a awm mi 108, home quarantine-a awm mi 15 leh isolation-a awm mi 21 an ni.

Serchhip district surveillance officer Dr Lalhlunpuii sawi danin, Serchhip district-ah swab sample endik result hriat tawh mi 62-te'n hripui an vei lo a; result nghah mek 65 leh nimina ZMC-a thawn 52 an awm.

Champhai district-a quarantine centre hrang hrangah mi 585 an awm mek a, chungte chu mipa 231 leh hmeichhia 354 an ni. Mamit district-a quarantine centre hrang hranga khung hran mek mi 351 an awm a, chu'ngte chu qua­rantine facility-a awm mi 342 leh home quarantine-a awm mi pakua an ni.