Hnahthial dist.-ah ráltlân 2,057

Myanmar tualchhung buaina avanga Myanmar aṭanga ráltlân, Hnahthial district chhungah nimin thleng khan mi 2,057 an awm a, an zingah hian chhungkua 352 an awm.

Ráltlânte chu Thing­sai­ah mi 864, Cherhlunah 160, Bualpui H-ah 151, Ngharchhipah 150, New Ngharchhipah 436, Tarpho-ah 86, South Chawngtui-ah 20, Khawhri-ah 69, Tuipui D-ah 28 leh Hnahthialah 93 an awm mek ; Tuipui-D khuaa mi 10 chu Aizawl lamah sawn an ni.

Hetih lai hian, Seventh Day Adventist hnuaia Adventist Community Services, Women's Ministries leh Aizawl Adventist Hospital-te chuan Thawhṭanni leh nimin khan Cherhlun, New Ngharchhip, Ngharchhip, Thingsai, Bualpui-H, Khawhri leh Tarphoa Myanmar ráltlân tan ei tur buhfai, tél, dailuah, mutbu, bungbél leh thawmhnaw ṭhahnem tak an pe a ni.