Cod Nerc hnenah special award hlân

Non governmental organisation (NGO) pakhat Cod Nerc, Mizoram chu puantah (handloom) hmasawnna tura an thawh ṭhat avangin NABARD chuan nimin khan special award an hlan.

NABARD chuan nimina an regional office, Aizawla Sensitisation Workshop on Geogra­phical Indications (GI) an buatsaihah Cod Nerc hnenah special award an hlan a; Cod Nerc aiawha a dawngtu tur hnenah additional chief secretary JC Ramthanga'n a hlan a ni.

August 6, 2021-a India ram pum huapa National Handloom Day hman a nih khan India rama puantah lama hma la off farm producer organisation (OFPO) zingah Cod Nerc-in an enkawl mek Ramlai Handloom Producer Organization, Thenzawl chu hma la ṭha ber pawl leh hmasawn chho zel tura beiseiawmah thlan a ni a; chuvang chuan NABARD-in Cod Nerc hnenah award an hlan a ni.