Covid-19 vanga thite zangnadawmna dil dan tur kaihhruaina tihchhuah a ni

Disaster Management & Rehabilitation (DMR) department chuan Covid-19 vanga thi chhungte hnena zangnadawmna (ex-gratia) Rs. 50,000 pek dan turah nimin khan inkaihhruaina a tichhuak a; zangnadawmna dilnaah Covid-19 vanga thi a ni ngei tih tarlanna death certificate thil tel a ngai dawn.

DMR department-in nimina office memoran-dum a tihchhuahah chuan, Covid-19 vanga thi chhungte hnena zang­na­dawmna pek tur hi Supreme Court-in June 30, 2021-a order a chhuah leh National Disaster Management Authority (NDMA)-in September 11, 2021-a lehkha a tihchhuah bawhzuina a nih thu tarlan a ni.

Ex-Gratia dilnaa pawimawhte
1. Covid-19 vanga thite laina hnai (next of kin) tan chauh dil theih a ni.
2. Covid-19 vanga thi an awmin an laina hnaite'n zangnadawmna Rs. 50,000 an dil thei ang.
3. Ex-gratia hi Covid-19 vanga thi mi pakhat tan zel Rs. 50,000 pek theih a ni.
4. Sum chu state sorkarin State Disaster Relief Fund aṭangin a pe ang.
5. Diltuin mitthi laina hnai a ni ngei a ni tihchianna, mitthi chenna khua/veng VC/LC hriatpuina lehkha neih a ngai.
6. Dilna form duan sa hmangin District Disaster Management Authority / DC hnenah thehluh tur a ni a, dilnaah death certificate thil tel tur.
7. Death certificate chungchanga hriat chian tâwk loh emaw, vuivaina neite chuan Covid-19 vanga thi chenna DC hnenah thlen tur a ni.
8. Mizorama chêng nghet, Covid-19 vanga Mizoram páwna thite laina hnaite pawhin mitthi chenna DC hnenah dilna an thehlut thei.