East India Summit 2021 hawng
Confederation of Indian Industries (CII) chuan, nimin khan East India Summit 2021 hawnna hun an buatsaih a, DoNER minister G Kishan Reddy-a'n a hmanpui. Summit hian October 7, 2021 thleng a awh ang.
Hawnna inkhawm hi Mizoram aṭangin Planning & Programme Implementation, Commerce & Industries, Horticulture, Power & Electricity, PWD, Agriculture, Tourism, Transport leh UDPA department-te'n an hmanpui a ni.
East India Summit 2021 hi east India leh hmarchhak state hrang hrangte'n economy leh culture-a inkungkaihna nghet zawk an neih theihna tura buatsaih a ni a, state ṭhenkhat economic sector hrang hranga an theihna leh an thar chhuahte phochhuahna hun siam a ni.
Summit-ah hian Bihar, Chhattisgarh, Jharkhand, Odisha, West Bengal, Assam, Mizoram leh Tripura state-te an tel a; October 1-ah Mizoram thil neihte pho chhuahna hun hman a ni ang.