Râltlân ṭanpuina pe turin kal

MZP Gen.Hqrs hruaitute chu Myanmar buaina avanga Mizoram khaw hrang hranga ráltlânte thlamuan tur leh chhawmdawlna pe turin nimin khan an thawk chhuak. MZP hian páwl hrang hrang aṭangin ráltlânte ṭanpuina tur an dawng a ni.

MZP Pisapui kawta inkhawm tawi buatsaihah MZP president B Vanlaltana chuan, ráltlân ṭanpuina tura damdawi, choka bungrua, thawmhnaw chi hrang hrang leh mutbu ṭhahnem tak ui loa thawhtute chungah lawmthu a sawi a, "Kan thil tih hian hriat a hlawh reng tawh ang a, hnam anga inpumkhatna ṭha zawk a siam zel dawn a ni," a ti.