PWD Minister-in Lei dawh a enfiah

PWD minister Lal Thanzara chuan April 23, Thawhṭanni khan Tuirini lei siamṭhat hna thawh mek a hmunah kalin a enfiah. Minister hi PWD engineer-in-chief R Vanlaltluanga leh chief engineer (Highways) K Lalsawmvela ten an ṭawiawm.

PWD Minister leh amah ṭawimawmtute hian lei siam a nih chhunga pumpelhna kawng (diversion) hman mek pawh an tlawh a, hume pipe phûm a tlem deuh avangin tui a len hmain hume pipe dang phum belh ni se, tiin ruahmanna an siam. Pumpelh kawng­ah lung (boulder) phah chu ṭha zawka siam a ni tawh a, hun eng emaw chen motor tlânte harsatna zualpui a sutkian theih beisei a ni.

Sorkar thuchhuah tarlan danin, Turini lei siamṭhat hna hi, ‘Recon­struction of Double Double Reinforced (DDR) Bailey Bridge over R. Turini at 24.5 Kmp on NH-150’ tih a ni.

Tunah hian bailey bridge innghahna tur cement concrete-in siam mek a ni a, ruahman dan leh tluang taka hna thawh a nih chuan kumin May thla tâwp lamah lei innghahna tur cement concrete structure peih beisei a ni. Chumi hnuah bailey bridge chu PWD Mechanical Division-in an dawh ṭan ang a, June thlaah dawh zawh beisei a ni.