Mock drill atan inbuatsaih
National Disaster Management Authority, New Delhi leh Disaster Management & Rehabilitation department huaihawtin Tourist Centre, Beraw Tlanga April 26, 2018-a Nagaland leh Tripura-te nen a rual a hman tur, Multi State Mock Exercise on Earthquake Disaster inbuatsaihna atan April 23, Thawhṭanni khan table top exercise neih a ni.
Meeting-ah hian Mizoram district hrang hrangte'n lirnghing a thlen palha venhim leh chhanchhuah hna rang tak leh ṭha thei ang bera an thawh theihna tura an inpuahchah lâwk dante thlir a ni a; April 26, vawiina Multi State Mock Exercise neih tura khawtlang hruaitute leh department hrang hrangte'n chanvo an insem dan turte sawiho a ni bawk.
Fire & Emergency Services department, Health & Family welfare department, National Disaster Response Force leh 46th. Assam Rifle aiawhte'n chhiatrupna a thlen huna lo hmachhawn dan tur leh lo inpuahchah dan turte a lem nen an sawifiah a; National Disaster Management Authority-te'n table top exercise hmanpuiin, incident response system buatsaih dan leh hman dante an sawipui a ni.