Rualbanlo chungchang zirho

SCERT leh Rehabilitation Council of India (RC) ṭangkawp chuan nimin khan SCERT Auditorium-ah 'Continuing Rehabilitation Education Programme on Rights of Persons with Disabilities Act, 2016‘ an buatsaih a, PwD chief commissioner Dr Kamlesh Kumar Pandey-a'n a hmanpui.

Training hi SCERT director Laldawngliani Chawngthu-in a kaihruai a, Aizawl Cilvil Hospital, State Referral Hospital, SSA, RMSA, Gilead Special School, Special Blind School, Bethesda, NILD-NERC leh SCERT aṭangin rualbanlo buaipuite an tel a, mithiamte'n thil pawimawh hrang hrang an zirtir a ni.

RCI hi rualbanlote chanvo humhalhtu tura sorkar laipuiin a din a ni a, an hmalakna hian rual­banlo enkawltu zirtirtu leh NGO-a thawkte intuaihriam nan Continuing Rehabilitation Education Programme buatsaih ṭhin a ni. RCI-in valid registration a pekte chauh hi rualbanlo zirtir tura pawm an ni.