Damdawi ṭha tâwk lo zuar an awm - Chemists & Druggists Association

Mizoram Chemists & Druggists Association (MCDA) chuan, nimin khan Synod Conference Hall-ah inkhawmpui an hmang a; mi ṭhenkhat, damdawi quality ṭha tawk lo zuar an awm vanga mipuiin harsatna an tawh phah ṭhin thu tarlangin, "Hei hi ṭha kan ti lo," an ti.

MCDA inkhawmpui hi an president R Thanglura'n a kaihruai a; pharmacist-te'n anmahni rawih man an tisang ta lutuk chu an tan phurrit a nih thu te, pharmacist indaih loh vanga harsatna an tawh chungchang sorkara an thlen ṭhinah thu lawmawm an la dawng lo chu pawi an tih thu te, mi ṭhenkhat, drug licence nei loa office, dawr leh ina damdawi zawrh chíng an awm chu ṭha lo an tih thute leh, drug licence nei zingah dan loa damdawi tawlh rûkna atana hmang an la awm fo chu ṭha lo an tih thu an tarlang.

MCDA hi kum 1977-ah din a ni a, member 3,000 vel an awm mek a ni.