NCC Academy din tur sawiho

Tuirial Airfield hmuna National Cadet Corps (NCC) Academy din tur leh, Lungleia NCC Group Headquarters din tur chungchanga hmalakna kal mekah chief minister Lal Thanhawla chuan April 26, Ningani khan a banglaah NCC hotute leh Land Revenue & Settlement department official-te a kâwm.

Chief Minister chuan, NCC Academy leh district headquarters din chu ṭha­laite tan malsawmna a nih tur thu sawiin, NCC chu sipaia ṭang duhte tan chauh ni loin, khua leh tui ṭha siamna atana hmanraw ṭha leh a ṭha zawnga taksa leh rilru châwmtu ṭha a nih thu a sawi a, "Sorkar pawhin ngai pawimawhin, tuna hmalakna kal mek pawh hi hmáwr bâwk a, a nih dan tura academy din thuai thei turin a kaihhnawih sorkar department hrang hrangte pawhin an zawn ṭheuhah hma an lak a pawimawh," a ti.