CS-in Lawngtlai leh Siaha a tlawh

Chief secretary Arvind Ray chuan, Inrinni khan Lawngtlai a tlawh a, Circuit House-ah Lawngtlai DC N Chakhai leh sorkar hotu dangte a kâwm. Nimin khan Siaha a tlawh leh bawk.

Arvind Ray chuan, tun hnaiah harsatna neuh neuh a awm chunga CADC inthlan tluang tak leh muanawm taka kalpui a ni chu lawmawm a tih thu leh inthlan buaipuitute fakawm a tih thu a sawi a; Lawngtlai a tlawh chhan chu - Lawngtlai district-a sorkar hna kalpui dan leh harsatna awmte a taka hmu turin a nih thu a sawi.

Chief Secretary hian Lawngtlai District Hospital tlawhin, an hmunhma hrang hrangte a fang a; dam­dawi-in hotute'n hma an sawn dan, an hmachhawp leh an mamawhte an lo hrilh a ni.