Vaccine petute Ngaihthahah sorkar puh

Mizoram Pradesh Congress Committee (MPCC) Media depart­ment chuan, Covid-19 peknaa thawk tura inpe (volunteer)-te chu Mizoram sorkarin chhuna thingpui inna tur senso an tumsak theih tawh loh thu leh lawmman pek ṭhin pawh April 2021 aṭangin pek an nih tawh loh thu an puang a; Mizoram sorkar chu vaccine petute ngaihthahah an puh.

MPCC Media chuan, September 29 leh nimin khan an chairman Dr Lallianchhunga hoin Mizo­­ram sorkarin Covid-19 vaccine a pekna hmunpui Dawrpui Multi­pur­pose Centre leh Cultural Centre, Bawng­kawn South-te an tlawh tih an tarlang a; vaccine petu volunteer-te nen an inkawm bakah, Congress party aiawhin volunteer duty-te chhùn thingpui inna tur pawisa a hlan tih an tarlang a ni.