Essay inziahsiak lawmman sem

Kumina Fire Service Week, April 14-20 chhunga neih puala high school zirlaite tana essay inziahsiak result chu nimin khan puan a ni a, lawmman dawngtute awmna district ṭheuhah lawmman sem a ni.

Fire & Emergency Services leh Directorate of School Education-te buatsaih essay intihsiaka thupui chu 'Kângmei chhuah thulha kâng ṭhelhna hmanrua nena lo inrin lâwk hi kan himna' tih a ni.

Intihsiaka ti ṭhate hnena lawmman sem chu Aizawlah chuan Fire & Emergency Services director C Lalthanmawia pisaah hman a ni a, Champhai Fire Station Recreation Hall leh Lawngtlai Fire Station-ahte hman a ni bawk.

Intihsiaka pakhatna Lalrinpuii, Synod HSS chuan Rs. 3,000 a dawng a, pahnihna C Lalruatzuali, BC Lalthlamuana English Academy School, Champhaiin Rs. 2,000 leh pathumna Elizabeth Lalthanpuii, Downtown English School, Lawngtlai ten Rs. 1,000 an dawng.