CBMWTF-ah public hearing buatsaih

Mizoram Pollution Control Board (MPCB) chuan nimin khan Aizawl Smart City Project hmanga damdawi-in bawlhhlawh sâwngbàwlna hmunpui, Common Bio-Medical Waste Treatment Facility (CBMWTF), Tuiriala siam turah environmental clearance chungchâng sawihona vantlang inkhâwm (public hearing) an buatsaih.

Vantlang inkhâwm hi Ministry of Environment, Forests & Climate Change-in Covid-19 lèn laia public hearing neih dan tur a ruahman angin online hmanga buatsaih a ni a, Aizawl DC Dr Lalhriatzuali Ralte-in a kaihruai.

Vantlang inkhawma an sawite behchhanin Environmental Impact Assessment (EIA) report siam a ni ang a, chumi hnuah thuneitute’n environmental clearance pek turin an ngaihtuah leh dawn a ni.