Aizawla veng fai ber - Luangmual

Aizawl mayor Lalrin­enga Sailo chuan nimin khan Aizawl Municipal Corporation (AMC) Audi­torium-ah Aizawl khaw­puia veng fai thlante hnenah lawmman a sem. Aizawla veng fai ber chu Luangmual a ni.

Aizawla veng fai ber Luangmual LC hnenah Rs. 30,000 hlan a ni a, pa­hnihna Govt Complex LC hnenah Rs. 20,000 leh pathumna Model Veng LC hnenah Rs. 10,000 hlan a ni.

Lalrinenga Sailo chuan, veng fai thlanna chu inhriattir lâwkna awm loa neih a nih thu a sawi a, "Bawlhhlawh paih kawnga Aizawlin PPP mode a kalpui mek hi India rama ti ṭha ber zinga mi a ni," a ti a; Aizawl khawpuiah vawk leh ar khuahkhirh a ṭul thu leh hrem hlauh vang chauha dan zawm chuan a daih rei ngai loh thu a sawi.

AMC hian Azadi Ka Amrit Mahotsav pualin faina leh bawlhhlawh thliar kawngah inzirtirna a kalpui a, hmalakna tam tak zingah street campaign, vantlang inthiarna tihchangtlun, local council 83 zinga faina leh thianghlimna kawnga hma la ṭha thlan leh bawlhhlawh thliar hrang ṭha veng thlante a tel.
Vawiin hian Aizawla local council zinga bawlhhlawh thliar hrang ṭha ber result puan a ni ang.