MP K Vanlalvena'n DoNER Minister a kâwm

Rajya Sabha MP K Vanlalvena chuan September 30, Ningani tlai khan union minister of state for DoNER BL Verma chu a chenna in, Swarna Jayanti Sadan-ah a kâwm a; Lawngtlai leh Paletwa, Myanmar inkar kawng laih meka Myanmar ram chhunga harsatna awm chungchang a thlen.

Sorkar thuchhuah tarlan danin, K Vanlalvena hian Kaladan Multi Modal Transit Transport Project kawng laih mek chungchanga chief minister Zoramthanga hmalak tawh dan a sawi a, "He kawngpui hi Mizoram tan chauh ni loin, India sorkar Act East policy tihhlawhtlinna tur leh ram venhimna atana thil pawimawh tak a ni a, harsatna hi sutkian thuai a ṭul," a ti.

K Vanlalvena chuan, Mizorama Myanmar ráltlân awm mekte chu sorkar laipuiin tun aia nasa zawka a ngaihtuah a ṭul thu leh Aizawla Convention Centre siam a ṭul thu a sawi bawk.

DoNER minister BL Verma chuan, tun October thlaah Mizorama zin a duh thu leh a ṭul ang apiang chu Mizoram Chief Minister nena sawi dun a inhuam thu a lo hrilh.

Rajya Sabha MP bakah he hunah hian OSD to chief minister Rosangzuala pawh a tel.