PUC-in an zirlai tiṭhate an chawimawi

Pachhunga University College (PUC) chuan nimin khan an auditorium-ah Mizoram University hnuaia kumina under graduate zote chawimawina an buatsaih a, minister Lalchamliana'n a hmanpui.

Lalchamliana chuan, "Zirna hian mihringte mi puitlingah min siam a tum ber a, pass ṭhat ni ngawt loin, mahni, khawtlang leh ram tana mi ṭangkaia min siam a tum a ni," a ti a; zirna chuan mahni puala khawvel hmachhawn thei turin mihring a siam ṭhin thu a sawi.

Arts-a mark hmu sang ber Lalnunpuia Renthlei hnenah HK Bawichhuaka Award, Science-a mark hmusang ber pahnih - C Laldinpuii leh Millennium Vanlal­peka hnenah Lenrual Hlui Award leh Management leh Commerce-a mark hmu sang ber Lalremsangpuia hnenah Khawtinkhuma Award hlan a ni. Award hian certificate leh Rs. 10,000 a keng.