KHAWTHLIR

Thisen pe
KṬP, Laipuitlang Branch chuan nimin khan an Kohhran Hall-ah thisen pek an huaihawt a, Synod Hospital tan thisen unit 52 an pe a, petute mipa 48 leh hmeichhia 4 an ni.

DEO-in hrilhfiah
Kolasib district election officer (DEO) Dr H Lalthlangliana, bawrhsap chuan nimin khan DC conference hall-ah Tuirial biala Assembly by-election neih tura nodal officer leh assistant nodal officer-te a kâwm a, an chanvo leh mawhphurhna turte a hrilhfiah.

DISHA thukhawm
Mamit District Development Coordination and Monitoring Committee (DISHA) chu video conferencing hmangin nimin khan an chairman C Lalrosanga, Lok Sabha MP leh co-chairman K Vanlalvena, Rajya Sabha MP-te hoin an ṭhu a, Mamit district-a sorkar laipui scheme kalpui dante an thlirho.