Kum 2 chhungin RTI zawhna 3,801 a lut

Right to Information (RTI) Act hmangin kum 2015-2017, kum hnih chhung khan zawhna 3,801 dawn a ni a, chu'ng zinga 3,763 chu chhan niin, chhan loh 38 a awm.

Mizoram Legislative Assembly document-a a lan danin, kum 2015-2016 chhung khan RTI Act hmangin zawhna 2,155 a lut a, kum 2016-17 chhungin 1,646 a lut thung a; kum hnih chhung­a lut zat hi 3,801 a ni. Zawhna lut zinga 38 chu chhan a ni lo.

Kum 2015-2017 chhungin RTI Act hmang­a zawhna chhanna aṭangin Rs. 63,543 a lut a; chungte chu kum 2015-16 chhungin Rs. 29,966 leh kum 2016-17 chhung­in Rs. 33,577 a ni.