DC-in MHIP kumpuan a hawng

MHIP sub-headquarters, Mamit kumpuan, 'Faina leh thianghlimna' tih chu nimin khan Mamit Bazar Vengah DC Lalbiaksangi'n a hawng.

Lalbiaksangi chuan, Mamit khawpui faina chhunzawm zelna tura MHIP-in kum­puan atan 'Faina leh thiang­hlimna'tih an hmang chu lawmawm a tih thu sawiin, "Chhungkaw nu berte hi faina kawnga hmasawn tura pawimawh ber kan ni a, kan chhungkuaah ṭheuh faina pawimawizia zirtir theitu kan ni," a ti a; naupangte rilrua faina pawimawhzia hriat­tir a, an rilrua tuh chu a pawimawh thu a sawi.

Kumpuan hawn inkhawm hi Mamit sub-hqrs. MHIP president LR Zampuiin a kaihruai a; Mamit khawpui chhunga MHIP member-te leh Children Sanitation Club, Bazar Vengte an tel. Kumpuan hawnna hun hman zawhah faina hnatlang neih zui a ni.

Mamit MHIP kum­puan tihhlawhtlinna atan hian Mamit district chhunga MHIP branch 71-te chuan thla tin vawi khat tal faina hnatlang an nei ṭhin dawn a ni.