Hripui vangin mi paruk an thi

October 1, Zirtawpni tlai dar 5 aṭanga nimin tlai dar 5 thleng khan Covid-19 vangin mi paruk an thi a, sorkar thuchhuak tarlan danin heng zinga mi panga chuan natna dang an nei sa a ni. Nimin tlai thleng khan Mizoramah Covid-19 vangin mi 319 an thi tawh.

Zirtawpni tlai dar 5:10 khan RL Thangseia (65), West Phaileng chu SRH-ZMC ah Covid-19 vangin a thi a, natna dang nei sa a ni. September 17-ah hri a kai tih hriatchhuah niin a tuk September 18 khan ZMC-ah admit a ni.

October 2, Inrinni chawhma dar 10 khan major Lalhruaikima (55), Salvation Army Officer, Thingfal-a awm chu Lawngtlai DCHC-ah Covid-19 vangin a thi. September 21 khan hri a kai tih hriat chhuah niin hemi ni vek hian DCHC-ah admit nghal a ni.

Lalremruati (16), Ramhlun South chu Inrinni chawhnu dar 2:15 khan ZMC-ah a thi a, natna dang nei sa a ni. September 30 khan hri a kai tih hriat chhuah a ni a, October 1, khan ZMC-ah dahluh a ni.

HC Laltluanga (75), Serchhip IOC Veng chu Inrinni zan dar 10 khan Serchhip DCHC-ah a thi a, natna dang nei tel a ni. September 14 khan hri a kai tih hriatchhuah niin September 20-ah DCHC admit a ni.

Nimin zing dar 6:50 khan Kapthangi (75), Chawnpui chu ZMC-ah Covid-19 vangin a thi a, natna dang nei tel a ni. September 27 khan hri a kai tih hriatchhuah niin hemi ni vek hian ZMC-ah admit nghal a ni.

Nimin zing dar 8 khan Khuahluma (75), Zokhawthar, Champhai chu Covid-19 vangin ZMC-ah a thi a, natna dang nei tel a ni. September 13 khan hri a kai tih hriatchhuah niin September 25 khan ZMC-ah dah luh a ni.