Zirlai tiṭhate lawmpuina an hlan

Pang Zirlai Pawl (PZP) chuan October 2, Inrinni khan CYMA Hall-ah Pang zirlai tharte lawmluhna leh zirlai tiṭhate lawmpuina hun an buatsaih a, minister of state TJ Lalnuntluanga'n a hmanpui.

TJ Lalnuntluanga chuan PZP chu hnam inpumkhatna kawnga ke pen zel tur leh ram hmasawnna tura theihtawp chhuah turin a chah a, "Zohnahthlakte inpumkhatna atan te, Zoram hmasawnna atante leh mi dangte thlamuana mi tana malsawmna thlentu ni ang che u," a ti a, zirlaite chu a ṭha zawnga social media hmang ṭangkai turin a chah.

He hun hi LADC CEM C Rongura pawhin a hmanpui a, PZP president Golden K Lalnunhlima chuan zirlaite chu Pang hnam zahpui loa ram tan theihtawp chhuah turin a fuih bawk.