Mizo Academy of Sciences-in khawmpui nei

Mizo Academy of Sciences (MAS), Pachhunga University College (PUC) leh Mizoram Science, Technology and Innovation Council (MISTIC)-te chuan April 30, Thawhṭanni khan PUC Seminar Hall-ah 21st. MAS General Body Meeting an hmang a, 'Science & Technology for Sustainable Future' tih zirhona hun an buatsaih nghal.

MAS inkhawmpuiah hian Science and Technology directorate-a chief scientific officer Dr RK Lallianthanga khuallian a ni a; khuallian chuan, science zirna uar zel tur leh service hrang hranga lut ve turin member-te a fuih a, India rama science organization hrang hrang - DRDO, NESAC, ICAR, NEIST, ISRO, etc. ahte inziaktling thei tura ṭan lak zel a pawimawh thu a sawi bawk.

Chawhnu lama semi­nar-ah scientific officer Dr Aldrin Malsawm­tluanga'n 'Science & Technology for Sustainable Future' tih thupui a sawi a, sawiho a ni. Ph.D hmu tharte'n an thesis-te an sawifiah bawk.

Science subject hrang hranga Mizo Ph.D nei thar mi pariat hnenah leh science subject-a national level exam - National Eligibility Test (NET), State Eligibility Test (SET), Graduate Aptitude Test in Engineering (GATE) leh Graduate Pharmacy Aptitude Test (GPAT) paltlangte hnenah chawimawina leh lawmpuina thuziak an hlan nghal a ni.