Serchhipah BBBPS sawiho

Beti Bachao Beti Padhao Scheme (BBBPS) chunghang ngaihtuahtu, Serchhip District Task Force Committee chu nimin khan an chairman Sang­chhin Chinzah, district bawrhsap hoin a pisaah an ṭhukhawm.

BBBPS hian hmei­chhe naupangte dikna chanvo pek te, fanu neih chawi nunte leh zirna an neih ngei theihna tur atana hmalakna kalpuite chu a tum ber pakhat a ni a; fanu/hmeichhiate chawikanna lam ram mipuite hnena zau taka puanzar chu a ngaih pawimawhte zinga mi a ni.

India rama state leh union territory zawng zawng­ah kawng hrang hranga hmalakna kalpui tura rua­hmanna siam mek a ni a; nimina meeting-ah hian Serchhip district-a hmalak dan tur district plan siam dan chungchang an ngaihtuah a, line department hrang hrangte hmalak dan tur leh chanvote siam niin, committee-in a la thlir nawn leh turin an dah.