ZPM-in May 8, Thawhlehniah CM candidate an puang dawn

Ṭangrual pawl, Zoram Peoples' Movement (ZPM) chuan May 8, 2018-ah kumina Mizoram Assembly inthlanpui awm turah chief minister atana an zawrh tur (chief ministerial candidate) an puang dawn.

ZPM thuchhuah tarlan danin, ZPM Steering Co­mmittee chu nimin khan an pisaah an ṭhu a, Steering Committee chair­man Lalliansawta'n a kaih­hruai. meeting chuan, chief ministerial candidate puan hun atan May 8, Thawh­lehni an ruat a, an puanna hmun tur chu Chanmari YMA Hall a ni ang.

Nimina ZPM Steering Committee meeting hian Pathian leh mipui zara sorkarna a chan huna an hmalak dan tur, thlai thar lei dan tur, power project neih dan turte leh manifesto tur dangte an sawiho nghal a ni.